قومی کرکٹ ٹیم کے آل راؤنڈر شاداب خان سری لنکا کے خلاف ایک روزہ ٹرائی سیریز کے فائنل میچ سے باہر ہو گئے ہیں۔ وہ ہیڈ انجری کے باعث قذافی اسٹیڈیم میں ہونے والا یہ فیصلہ کن معرکہ نہیں کھیل پا رہے۔
پاکستان کرکٹ بورڈ کے مطابق شاداب خان کو گزشتہ میچ کے دوران بولنگ کا سامنا کرتے ہوئے سر پر چوٹ لگی تھی۔ طبی عملے کی جانب سے معائنے اور پروٹوکولز کے تحت انہیں آرام کا مشورہ دیا گیا ہے۔
قومی ٹیم کے کپتان شاہین شاہ آفریدی نے ٹاس کے موقع پر شاداب خان کی غیر موجودگی کی تصدیق کی۔ پاکستان نے ٹاس جیت کر پہلے فیلڈنگ کرنے کا فیصلہ کیا ہے۔
شاداب خان کی جگہ فہیم اشرف کو پلئینگ الیون کا حصہ بنایا گیا ہے۔ سری لنکا کی ٹیم میں بھی ایک تبدیلی کی گئی ہے جہاں مہیش تھیکشنا کو ٹیم میں شامل کیا گیا ہے۔
یاد رہے کہ شاداب خان نے ٹورنامنٹ کے پچھلے میچوں میں شاندار کارکردگی کا مظاہرہ کیا تھا۔ انہوں نے انگلینڈ کے خلاف میچ میں مشکل صورتحال میں سنچری بنا کر ٹیم کی فتح میں اہم کردار ادا کیا تھا۔
اپنی رائے دیں