ضلع مظفرگڑھ کی تحصیل جتوئی میں محکمہ تعلیم کی جانب سے جاری کیے گئے نوٹیفکیشن کے تحت بوائز سکولز میں چھٹی جماعت سے اوپر طالبات کے داخلوں پر پابندی عائد کر دی گئی ہے۔
نوٹیفکیشن کے مطابق طالبات کو قریبی گرلز سکولز میں منتقل کرنے کی ہدایت کی گئی ہے، تاہم دیہی علاقوں میں گرلز سکولز کی کمی کے باعث بچیوں کی تعلیم متاثر ہونے کا خدشہ ظاہر کیا جا رہا ہے۔
اس فیصلے کے بعد مقامی والدین کی جانب سے شدید تشویش کا اظہار کیا جا رہا ہے۔ والدین نے سوال اٹھایا ہے کہ آیا یہ اقدام بچیوں کی تعلیم پر پابندی ہے یا متبادل انتظام، جبکہ انہوں نے حکامِ بالا سے معاملے کا فوری نوٹس لینے اور مناسب انتظامات یقینی بنانے کا مطالبہ کیا ہے۔
اپنی رائے دیں