سابق قومی فاسٹ بولر تنویر احمد نے پاکستان سپر لیگ میں بائیں ہاتھ کے فاسٹ بولر محمد عامر کی فٹنس اور کارکردگی پر کڑی تنقید کی ہے۔ انہوں نے سوشل میڈیا پر اپنے خیالات کا اظہار کرتے ہوئے فرنچائزز کی جانب سے مستقبل کے ڈرافٹ میں محمد عامر کو نظر انداز کیے جانے کا امکان ظاہر کیا۔
محمد عامر نے پاکستان سپر لیگ کے گیارہویں ایڈیشن میں راولپنڈی کی نمائندگی کی تھی جہاں انہوں نے دس میچوں میں بارہ وکٹیں حاصل کیں۔ اس دوران ان کی بولنگ اوسط 27.16 اور اکانومی ریٹ 8.81 رنز فی اوور رہا۔
تنویر احمد کا کہنا تھا کہ محمد عامر کی موجودہ کارکردگی اور فٹنس معیاری نہیں ہے اور اتنی کم کارکردگی کے ساتھ ٹیم میں جگہ بنانے کا جواز نہیں بنتا۔ انہوں نے مزید کہا کہ یہ محمد عامر کا آخری پی ایس ایل سیزن ہے اور اگلے سال کوئی بھی ٹیم انہیں نہیں چنے گی۔
عمر کے اس موڑ پر بائیں ہاتھ کے بولر پہلے ہی بین الاقوامی کرکٹ کو خیرباد کہہ چکے ہیں جس کی وجہ سے وہ قومی ذمہ داریوں سے باہر ہیں۔ اس وقت پاکستانی ٹیم کی توجہ ٹیسٹ کرکٹ پر مرکوز ہے جو رواں ماہ سری لنکا کے خلاف سیریز کھیلے گی۔
اپنی رائے دیں