کراچی کے علاقے لیاقت آباد 10 نمبر پل کے قریب ایک تیز رفتار ٹریلر نے موٹر سائیکل کو ٹکر مار دی، جس کے نتیجے میں ایک خاتون موقع پر ہی جاں بحق ہو گئیں جبکہ موٹر سائیکل پر سوار ایک مرد شدید زخمی ہوا۔
حادثے کے فوری بعد مشتعل ہجوم نے جائے وقوعہ پر پہنچ کر احتجاج کیا اور ٹریلر کو آگ لگا دی۔ اطلاع ملتے ہی فائر بریگیڈ کی گاڑی موقع پر پہنچ گئی اور ٹریلر میں لگی آگ پر قابو پایا۔
پولیس حکام کے مطابق حادثے کا ذمہ دار ٹریلر ڈرائیور موقع سے فرار ہونے میں کامیاب ہو گیا ہے جس کی تلاش جاری ہے۔ امدادی ٹیموں نے لاش اور زخمی شخص کو فوری طور پر طبی امداد کے لیے قریبی اسپتال منتقل کر دیا ہے۔
اپنی رائے دیں