ڈبلیو ڈبلیو ای کے معروف ریسلنگ لیجنڈ رِک فلیئر نے سوشل میڈیا پر اپنی صحت کے حوالے سے تازہ ترین صورتحال سے آگاہ کیا ہے۔ 77 سالہ ریسلر کو حال ہی میں امریکی ریاست فلوریڈا کے شہر ٹمپا میں ایک ریسٹورنٹ کے باہر گرنے کے بعد طبی امداد کے لیے اسپتال منتقل کیا گیا تھا۔
رِک فلیئر نے سماجی رابطے کی ویب سائٹ 'ایکس' پر اپنی ایک تصویر شیئر کی ہے جس میں ان کی آنکھ پر چوٹ کے نشانات نمایاں ہیں۔ انہوں نے بتایا کہ انہیں صحت یابی کے لیے مزید سرجری اور ممکنہ طور پر جلد کی پیوند کاری کے عمل سے گزرنا پڑے گا۔
سابقہ ریسلنگ اسٹار نے اپنی پوسٹ میں یو ایس ایف ہیلتھ آئی انسٹی ٹیوٹ کے طبی عملے کا شکریہ ادا کیا ہے جنہوں نے ان کا علاج کیا۔ رِک فلیئر ریسلنگ کی دنیا میں 'نیچر بوائے' کے نام سے شہرت رکھتے ہیں اور اپنے طویل کیریئر کے دوران کئی اہم اعزازات اپنے نام کر چکے ہیں۔
اپنی رائے دیں