وزیراعظم شہباز شریف نے خیبر پختونخوا میں گورنر راج اور ایمرجنسی کے نفاذ کے فیصلے کا دفاع کرتے ہوئے کہا ہے کہ یہ اقدام صوبے کے عوام کی جان و مال، معیشت، معاشرے اور ملک کے تحفظ کے لیے اٹھایا گیا ہے۔
پاکستان مسلم لیگ (ن) کی خیبر پختونخوا کی پارلیمانی پارٹی کے ارکان اور عہدیداران سے گفتگو کرتے ہوئے وزیراعظم نے کہا کہ موجودہ صورتحال میں ملک اور صوبے کے مفاد کو مقدم رکھنا ہماری اولین ترجیح ہے۔
وزیراعظم آفس کے مطابق شہباز شریف نے واضح کیا کہ حکومت نے معاملات کو مذاکرات کے ذریعے حل کرنے کی ہر ممکن کوشش کی، تاہم ان کی جانب سے دی گئی تجاویز کو قبول نہیں کیا گیا۔
ان کا کہنا تھا کہ صوبے میں گورننس کی صورتحال کے پیش نظر وفاقی حکومت کے پاس گورنر راج کے سوا کوئی دوسرا راستہ نہیں بچا تھا، جس کا مقصد علاقے میں امن کا قیام اور تحفظ ہے۔
اپنی رائے دیں