بھارت کی معروف فلمساز فرح خان کا ایک حالیہ ولاگ سوشل میڈیا پر موضوعِ بحث بنا ہوا ہے جس میں انہوں نے بالی وڈ اداکارہ ایشوریہ رائے کی خوبصورتی کا اعتراف کیا ہے۔
ولاگ کی شوٹنگ کے دوران جب فرح خان کے کُک دلیپ نے ان کی جلد کی تعریف کرتے ہوئے اس کے راز کے بارے میں پوچھا، تو فرح نے پہلے مزاحیہ انداز میں اسے اپنی قدرتی خوبصورتی قرار دیا۔ تاہم بعد ازاں انہوں نے اپنی اس کن کیئر مصنوعات کی تشہیر کرتے ہوئے ان کی افادیت کا ذکر کیا۔
فرح خان نے گفتگو کے دوران انڈسٹری میں قدرتی خوبصورتی کی کمی پر بات کرتے ہوئے کہا کہ ان کے نزدیک ایشوریہ رائے کے علاوہ شاید ہی کوئی قدرتی طور پر خوبصورت ہے۔
فرح خان کا یہ بیان ان کے مخصوص بے باک اور مزاحیہ انداز کی عکاسی کرتا ہے، جس کے بعد انٹرنیٹ پر ایشوریہ رائے کی خوبصورتی کے حوالے سے ایک نئی بحث چھڑ گئی ہے۔
اپنی رائے دیں