برطانیہ کے شاہ چارلس نے عمان کے سلطان ہیثم بن طارق کا شاندار استقبال کیا ہے جو چوالیس برس کے طویل عرصے کے بعد برطانیہ کے پہلے سرکاری دورے پر پہنچے ہیں۔ اس تاریخی دورے کا مقصد دونوں ممالک کے درمیان دوطرفہ تعلقات کو مزید فروغ دینا اور مختلف شعبوں میں باہمی تعاون کو وسعت دینا ہے۔
شاہ چارلس نے اپنے خصوصی خطاب کے دوران مہمانِ گرامی کا خیرمقدم کیا اور دونوں ممالک کے مابین دیرینہ اور تاریخی تعلقات کو خوش آئند قرار دیا۔ اس موقع پر تقریب میں برطانوی شاہی خاندان کے دیگر اہم اراضی اور اعلیٰ حکام بھی موجود تھے۔
تقریب کے دوران برطانوی بادشاہ نے اپنے خطاب میں اسلامی روایات کا ذکر کیا اور صحیح مسلم کی ایک مبارک حدیثِ رسول عربی زبان میں پڑھ کر سنائی۔ انہوں نے اس حدیث کے ذریعے عمانی عوام کے شاندار کردار اور اخلاق کی بھرپور تحسین کی۔
شاہ چارلس کی جانب سے پڑھی گئی حدیث کا مفہوم یہ بیان کیا گیا کہ اگر کوئی شخص عمان کے باسیوں کے پاس جاتا تو وہ مہمان نواز لوگ نہ تو کسی کو گالی دیتے اور نہ ہی کسی پر ہاتھ اٹھاتے۔ برطانوی شاہ کا یہ انداز دونوں ملکوں کے عوام کے درمیان ثقافتی اور اخلاقی قربت کی علامت سمجھا جا رہا ہے۔
خطاب کے دوران برطانوی بادشاہ نے خطے میں امن و امان کے قیام کے لیے سلطنتِ عمان کی سفارتی کوششوں کو بھی سراہا۔ انہوں نے خاص طور پر آبنائے ہرمز کو کھلا رکھنے اور بحری تجارت کے تحفظ کے لیے عمانی حکومت کے مثبت کردار کی تعریف کی۔
سلطان ہیثم بن طارق کا یہ دورہ دونوں ممالک کی قیادت کے مابین سیاسی ڈائیلاگ کو مزید مستحکم کرے گا اور مستقبل میں مشترکہ لائحہ عمل طے کرنے میں مددگار ثابت ہوگا۔ مبصرین اس دورے کو دوطرفہ تعلقات میں ایک نیا سنگِ میل قرار دے رہے ہیں۔
مشرق وسطی میں امن کے حصول کے لیے عمانی حکمرانوں کی ہمیشہ سے مثبت اور غیر جانبدارانہ پالیسی رہی ہے جس کا اعتراف بین الاقوامی سطح پر کیا جاتا ہے۔ برطانوی شاہ کی جانب سے اس کا خصوصی ذکر کرنا اس امر کی غمازی کرتا ہے کہ برطانیہ خطے میں امن کے لیے عمان کے کردار کو کتنی اہمیت دیتا ہے۔
آبنائے ہرمز عالمی تجارت بالخصوص تیل کی ترسیل کے حوالے سے انتہائی کلیدی حیثیت رکھتی ہے جہاں سے دنیا کا ایک بڑا حصہ گزرتا ہے۔ اس آبی گزرگاہ کے تحفظ اور کشیدگی کم کرنے میں عمانی سفارت کاری ہمیشہ سے انتہائی موثر ثابت ہوئی ہے۔
برطانوی میڈیا اور سفارتی مبصرین کے مطابق شاہ چارلس کا عربی زبان میں حدیث کا حوالہ دینا ایک غیر معمولی اور انتہائی خوشگوار سفارتی اقدام تھا۔ اس عمل سے نہ صرف دونوں خطوں کے مابین ثقافتی قربت اجاگر ہوتی ہے بلکہ باہمی احترام کے جذبے کو بھی تقویت ملتی ہے۔
سلطان عمان کے اس دورے کے دوران دونوں ممالک کے اعلیٰ حکام کے مابین مختلف شعبوں میں تعاون کے فروغ کے حوالے سے اہم بیٹھ کیں بھی منعقد ہوں گی۔ توقع کی جا رہی ہے کہ ان ملاقاتوں کے نتیجے میں اقتصادی اور تجارتی تعلقات کو ایک نئی جہت ملے گی۔
اپنی رائے دیں