کراچی کے جناح اسپتال میں گزشتہ 24 گھنٹوں سے بجلی کی فراہمی کا مسئلہ برقرار ہے، جس کے نتیجے میں اسپتال کے مختلف تشخیصی شعبوں میں کام بری طرح متاثر ہوا ہے۔
اسپتال ذرائع کے مطابق بجلی کی خرابی کے باعث مریضوں کو ایم آر آئی اور پی ای ٹی اسکین جیسی اہم طبی سہولیات کی فراہمی میں مشکلات کا سامنا کرنا پڑ رہا ہے، جبکہ گزشتہ روز انتظامی بلاک میں بھی بجلی کے مسائل سامنے آئے تھے۔
اسپتال انتظامیہ کا کہنا ہے کہ گائنی وارڈ اور نوزائیدہ بچوں کے انتہائی نگہداشت وارڈ (این آئی سی یو) کو متبادل کے طور پر جنریٹرز کے ذریعے بجلی فراہم کی جا رہی ہے۔
انتظامیہ کے مطابق اسپتال کے ایک حصے میں بجلی کا مسئلہ ہے تاہم جنریٹرز فعال ہیں اور بجلی کی خرابی آج رات تک دور ہونے کی امید ہے۔
اپنی رائے دیں