سکھوں کے مذہبی تہوار اور بابا گرو ناناک کے 557 ویں جنم دن کے موقع پر پاکستان کی طرف سے کرتار پور راہداری کھول دی گئی ہے۔
اس اقدام کے ذریعے پاکستان نے مذہبی رواداری اور بین المذاہب ہم آہنگی کی ایک روشن مثال قائم کی ہے۔
حکومتِ پاکستان کی جانب سے اس راہداری کو کھولنے کا فیصلہ مذہبی خیرسگالی کے جذبے کے تحت کیا گیا ہے۔
قبل ازیں حکومتِ پاکستان نے رواں سال 17 ستمبر 2026 کو کرتار پور راہداری کھولنے کا باضابطہ اعلان کیا تھا۔
بھارت کی جانب سے مئی 2025 میں پہلگام واقعے کو جواز بنا کر کرتارپور راہداری کے ذریعے سکھ یاتریوں کی آمدورفت معطل کر دی گئی تھی۔
بھارت کی اس پابندی کے بعد دنیا بھر کی سکھ برادری مسلسل یہ مطالبہ کر رہی تھی کہ پاکستان میں واقع مقدس مقامات کی زیارت اور مذہبی رسومات کی ادائیگی کے لیے اس راہداری کو دوبارہ بحال کیا جائے۔
سکھ برادری کے اس دیرینہ مطالبے اور دباؤ کے پیش نظر بھارتی پنجاب اسمبلی میں بھی 27 اکتوبر 2026 کو کرتار پور راہداری کھولنے کے حق میں ایک قرارداد منظور کی گئی تھی۔
بابا گرو ناناک کے 557 ویں جنم دن کے موقع پر منائی جانے والی مذہبی رسومات اور تقریبات میں شرکت کے لیے آنے والے سکھ یاتریوں کے استقبال کے تمام تر انتظامات مکمل کر لیے گئے ہیں۔
پاکستانی حکام کی جانب سے اس مقدس موقع پر آنے والے زائرین کو تمام ممکنہ سہولیات فراہم کرنے کے انتظامات کو حتمی شکل دی جا چکی ہے۔
بھارتی سکھ یاتریوں نے پاکستان کے اس اقدام کو سراہتے ہوئے اس کا پرتپاک خیرمقدم کیا ہے۔
یاتریوں کا کہنا ہے کہ بھارتی حکومت کے رویے کے برعکس پاکستان نے کرتار پور راہداری کھول کر امن پسندی کا عملی ثبوت دیا ہے۔
سکھ یاتریوں کے مطابق پاکستانی حکومت اور یہاں کے عوام کا محبت، خلوص اور دوستانہ رویہ بین المذاہب ہم آہنگی کا بہترین مظہر ہے۔
اپنی رائے دیں