ملک بھر میں جمادی الثانی 1448 ہجری کا چاند نظر نہیں آ سکا جس کا باضابطہ اعلان مرکزی رویت ہلال کمیٹی کی جانب سے کیا گیا ہے۔ وزارتِ مذہبی امور کے مطابق اسلامی مہینے جمادی الثانی کا چاند دیکھنے کے لیے مرکزی رویت ہلال کمیٹی کا اجلاس منعقد کیا گیا جس میں ملک کے مختلف شہروں سے شہادتیں موصول کی گئیں۔
اجلاس کی صدارت مرکزی رویت ہلال کمیٹی کے چیئرمین مولانا عبدالخبیر آزاد نے کی جبکہ اس میں زونل کمیٹیوں کے نمائندگان نے بھی اپنے اپنے شہروں سے ویڈیو لنک کے ذریعے شرکت کی۔ اجلاس کے دوران ملک بھر کے کسی بھی حصے سے جمادی الثانی کا چاند نظر آنے کی کوئی شہادت موصول نہیں ہوئی۔
وزارتِ مذہبی امور اور رویت ہلال کمیٹی کے اجلاس میں محکمہ موسمیات، سپارکو اور وزارتِ سائنس اینڈ ٹیکنالوجی کے تکنیکی نمائندے بھی شریک ہوئے جنہوں نے چاند کی رویت کے حوالے سے سائنسی اور فلکیاتی ڈیٹا کمیٹی کے سامنے پیش کیا۔ ان اداروں کے ماہرین کی آراء کی روشنی میں یہ بات طے کی گئی کہ مطلع پر نیا چاند موجود نہیں ہے۔
رویت ہلال کمیٹی کے اعلامیہ کے مطابق چاند نظر نہ آنے کے بعد اب ماہِ جمادی الثانی 1448 ہجری کا آغاز پرسوں سے ہوگا۔ وزارتِ مذہبی امور کی جانب سے جاری کردہ تفصیلات کے مطابق یکم جمادی الثانی 12 نومبر بروز جمعرات کو ہوگی۔
مرکزی رویت ہلال کمیٹی کا یہ اجلاس اسلامی مہینوں کے آغاز کے لیے ہلال کمیٹی کے معمول کے نظام کے تحت بلایا گیا تھا۔ ملک بھر میں اسلام آباد سمیت تمام صوبائی دارالحکومتوں میں زونل کمیٹیاں بھی اپنے اپنے دفاتر میں فعال رہی تاکہ تمام ذرائع سے ملنے والی معلومات کو بروقت اکٹھا کیا جا سکے جو کہ قمری تقویم کو درست رکھنے کے لیے انتہائی ضروری ہوتا ہے۔
اپنی رائے دیں