Daily Pakistan Online News, Sports, Blogs, Media
Related Articles
ٹوئٹر اور فیس بک سے مایوس ڈونلڈ ٹرمپ اپنی سوشل ایپ بنائیں گے
واشنگٹن (ڈیلی پاکستان آن لائن) سابق امریکی صدر ڈونلڈ ٹرمپ نے ٹوئٹر اور فیس بک پر پابندی کے بعد اپنا سوشل میڈیا نیٹ ورک ٹروتھ سوشل بنانے کا فیصلہ کیا ہے۔تفصیلات کے مطابق ٹرمپ میڈیا اینڈ ٹیکنالوجی گروپ نامی کمپنی اس سوشل نیٹ ورک کی مالک ہوگی اور امید کی جا رہی ہے کہ اس کا بِیٹا لانچ اگلے ماہ شروع ہو جائے گا۔گروپ کی طرف سے جاری بیان میں کہا گیا ہے کہ پری آرڈر کے لیے یہ ایپ ایپل کے ایپ سٹور پر موجود ہے۔بیان کے مطابق گروپ آن ڈیمانڈ ویڈیو سبسکرپشن فیچر لانچ کرنے کا بھی ارادہ رکھتا ہے۔سابق صدر نے کہا ہے کہ میں نے ٹرتھ سوشل ٹیکنالوجی میں بڑے کھلاڑیوں کے ظلم کے خلاف بنائی ہے۔ان کا کہنا تھا کہ ہم ایسی دنیا میں رہ رہے ہیں جہاں طالبان ٹوئٹر پر بڑی تعداد میں موجود ہیں، لیکن آپ کے پسندیدہ صدر نہیں ہیں۔ یہ ناقابل قبول ہے۔پبلک لسٹڈ کمپنی بنانے کے لیے ٹی ایم ٹی جی کو ڈیجیٹل ورلڈ ایکوزیشن کارپوریشن(ڈی ڈبلیو اے سی)کے ساتھ منسلک کیا جائے گا۔ڈی ڈبلیو اے سی کے چیف پیٹرک آرلینڈو کا کہنا تھا کہ مارکیٹ اور ٹرمپ کے مداحوں کو دیکھتے ہوئے ہمیں یقین ہے کہ ٹی ایم ٹی جی کے پاس ایم شیئر ہولڈر ویلیو حاصل کرنے کا موقع ہے۔
