Home / انٹر نیشنل / بھارتی ریاست اترپردیش میں خاتون اجتماعی زیادتی کے بعد قتل

بھارتی ریاست اترپردیش میں خاتون اجتماعی زیادتی کے بعد قتل

اترپردیش : جنوری 06 ( ڈیلی پاکستان آن لائن) بھارتی ریاست اترپردیش میں خاتون کو اجتماعی زیادتی کے بعد قتل کردیا گیا ۔ 50 سالہ خاتون کے ساتھ تین افراد نے اجتماعی زیادتی کی اور پھر قتل کردیا، پولیس نے تین میں سے دو ملزمان کو گرفتار کرکے مقدمہ درج کرلیا ہے۔
بھارتی میڈیا کے مطابق خاتون کی لاش گاؤں میں پائی گئی جس پر ایک کوٹ ڈال کر خاتون کو مردہ حالت میں ہی اس جگہ پر چھوڑا گیا تھا۔ خاتون کے بیٹے نے میڈیا سے گفتگو میں بتایا کہ اس کی والدہ روزانہ عبادت کے لیے جاتی تھی اور اتوار کے روز بھی شام 5 بجے کے قریب گھر سے نکلی تھی جس کے بعد تقریباً رات ساڑھےگیارہ بجے انہیں قتل کرکے پھینک دیا گیا۔ خاتون کی پوسٹ مارٹم رپورٹ میں جسم کے اندرونی حصوں پر تشدد کی تصدیق ہوئی ہے اور خاتون کے ایک ٹانگ میں فریکچر بھی پایا گیا۔
ڈاکٹرز کا کہنا تھا کہ خاتون کے جسم سے مسلسل خون بہہ رہا تھا اور ان کی موت زیادہ خون بہنے سے ہوئی جب کہ خاتون سے زیادتی کی بھی تصدیق ہوئی ہے۔ پولیس کا کہنا ہے کہ واقعے کا مقدمہ درج کرکے دو ملزمان کو گرفتار کرلیا گیا جب کہ مقامی پولیس کے خلاف بھی ایکشن لیا جارہا ہے۔

User Rating: Be the first one !

About Daily Pakistan

Check Also

نامعلوم افراد کی aاداکارہ مالا کی گاڑی پر فائرنگ، بھائی جاں بحق

فیصل آباد (غیلی پاکستان آن لائن) نامعلوم افراد نے سٹیج اداکارہ اور میک اپ آرٹسٹ …

Skip to toolbar