کمسن بچوں کو اغواء کرکے فروخت کرنے والا گروہ گرفتار،2بچے بازیاب

گرفتار 12ملزمان میں خواتین اغواء کار بھی شامل ، ملزمان بجے فروخت کرنے پہنچے تھے ‘پولیس حکام
لاہور (ڈیلی پاکستان آن لائن) کمسن بچوں کو اغواء اور فروخت کرنے والے گروہ کو لاہور میں گرفتار کرلیا گیا۔ایس ایچ او چوہنگ ناصر حمید کے مطابق کمسن بچوں کو اغواء کر کے فروخت کرنے والے گروہ کو چوہنگ سے گرفتار کیا گیا۔ گرفتار 12ملزمان میں خواتین اغوا کار بھی شامل ہیں۔ ملزمان کے قبضے سے 2بچے برآمد ہوئے جنہیں چائلڈ پروٹیکشن بیورو کے حوالے کردیا گیا۔ ملزمان 23لاکھ کے بچے فروخت کر چکے ہیں۔ ملزمان بچوں کو فروخت کرنے بس ٹرمینل پہنچے تھے۔ ملزمان کے خلاف مقدمہ درج کر کے تحقیقات جاری ہیں۔