آئی سی سی کا اہم فیصلہ: چیمپئنز ٹرافی سمیت تمام پاک بھارت میچز ہائبرڈ ماڈل پر کھیلے جائینگے

انٹرنیشنل کرکٹ کونسل (آئی سی سی) نے ایک اہم فیصلہ کرتے ہوئے پاکستان میں ہونے والی چیمپئنز ٹرافی 2025 سے 2027 تک کے تمام ایونٹس کو ہائبرڈ ماڈل کے تحت کرانے کا اعلان کیا ہے۔ اس کا مطلب یہ ہے کہ پاکستان اور بھارت کے درمیان ہونے والے تمام میچز ایک نیوٹرل مقام پر کھیلے جائیں گے۔
اس فیصلے کے تحت 2028 کا ویمنز ٹی20 ورلڈ کپ بھی ہائبرڈ ماڈل کے تحت پاکستان میں ہوگا۔ اس سے دونوں ممالک کے درمیان کشیدگی کم کرنے اور کرکٹ کو فروغ دینے میں مدد ملے گی۔
ہائبرڈ ماڈل کیا ہے؟
ہائبرڈ ماڈل کے تحت 8 ٹیموں کے ٹورنامنٹ میں صرف بھارت کے میچز پاکستان کے علاوہ کسی دوسرے مقام پر کھیلے جائیں گے۔ اس کا مقصد دونوں ممالک کے درمیان سیاسی کشیدگی کو مدنظر رکھتے ہوئے کرکٹ کے شائقین کو دونوں ٹیموں کے درمیان میچز دیکھنے کا موقع فراہم کرنا ہے۔

2024-2027 کے دوران پاکستان میں میزبانی میں ہونے والے ایونٹ میں بھارت کے تمام میچز نیوٹرل مقام پر کھیلے جائیں گے اور اس کے بدلے میں بھارت کی میزبانی میں ہونے والے ایونٹ میں پاکستان سے متعلق تمام میچز نیوٹرل مقام پر کھیلے جائیں گے۔
نیوٹرل مقام کی تجویز بھی اس ایونٹ کے میزبان ملک کی جانب سے دی جائے گی تاہم اسے آئی سی سی کی منظوری درکار ہوگی۔
آئی سی سی نے بھارت، پاکستان اور ایک تیسرے ایشیائی رکن ملک یا (ایک ایسوسی ایٹ ایشیائی ملک) کو شامل کرکے کسی نیوٹرل مقام پر سہ فریقی یا چار ملکی ٹورنامنٹ کے انعقاد پر بھی کوئی اعتراض نہیں ہے۔
اس فیصلے سے کرکٹ کے شائقین کو دونوں ممالک کے درمیان میچز دیکھنے کا موقع ملے گا۔ اس سے دونوں ممالک کے تعلقات میں بہتری لانے میں بھی مدد مل سکتی ہے۔