ہم کسی پر سبقت کے لیے فلمزنہیں بناتے،اکشے کمار

ہم کسی پر سبقت کے لیے فلمزنہیں بناتے،اکشے کمار
بمبئی (ڈیلی پاکستان آن لائن) بولی وڈ کے ورسٹائل اداکار اکشے کمار کا کہنا ہے کہ ہم فلمیں انڈسٹری میں کسی پر فوقیت کے لیے نہیں بلکہ اپنے مداحوں کے لیے بناتے ہیں۔اور نہ ہی ہمارا مقصد کسی اداکار کو نیچا دکھانا ہوتا ہے۔ ایک انٹرویو میں ان کا کہنا تھا کہ بھارتی فلمی صنعت میں ہم سب ایک ہیں ہمیں تقسیم نہ کریں۔ انڈسٹری سے وابستہ ہم سب لوگ اپنی فلمیں بہت محنت اور محبت سے بناتے ہیں اور ہمارا اولین مقصد اپنے مداحوں اور ناظرین کوخوش کرنا ہے۔اکشے کا کہنا تھا کہ میں صرف اپنے کام پر توجہ دیتا ہو اور میرا مقصد صرف اور صرف اپنے کام میں زیادہ سے زیادہ بہتری لانا ہوتا ہے، میں کمپنی ٹیشن اور نمبر گیم پر یقین نہیں رکھتا۔