Daily Pakistan Online News, Sports, Blogs, Media
Related Articles
چین میں کیمیکل پلانٹ میں دھماکہ، چار افراد ہلاک
بیجنگ(ڈیلی پاکستان آن لائن) شمالی چین کے خودمختار علاقے اندرونی منگولیامیں ایک کیمیکل پلانٹ میں دھماکے سے 4 افراد ہلاک اور 3 زخمی ہوگئے۔ مقامی اٹھارٹی کی جانب سے جاری ایک بیان میں کہا گیا ہے کہ یہ دھماکہ گزشتہ رات 11بجے کے قریب الیکسا لیگ میں اوبو انڈسٹریل پارک میں ایک کیمیکل پلانٹ کی ورکشاپ میںہوا۔ دھماکے سے لگنے والی آگ کو ہفتہ کی صبح بجھا دیا گیا۔ مقامی پبلک سیکورٹی حکام نے فرم کے قانونی نمائندے کو حراست میں لے لیا ہے جبکہ حادثے کی وجہ سے پلانٹ میں پیداوار کا عمل بھی روک دیا گیا ہے۔ مقامی حکومت نے حادثے کی وجوہات جاننے کے لیے ایک ٹیم تشکیل دے دی ہے ۔
