Breaking News
Home / صفحۂ اول / پی ایس ایل کی افتتاحی تقریب پر سوشل میڈیا پر ملا جلا رد عمل ، کچھ نے پسند کیا ، کچھ مایوس

پی ایس ایل کی افتتاحی تقریب پر سوشل میڈیا پر ملا جلا رد عمل ، کچھ نے پسند کیا ، کچھ مایوس

پی ایس ایل کی افتتاحی تقریب پر سوشل میڈیا پر ملا جلا رد عمل ، کچھ نے پسند کیا ، کچھ مایوس

اسلام آباد (ڈیلی پاکستان آن لائن) پی ایس ایل کی افتتاحی تقریب پر سوشل میڈیا پر ملا جلا رد عمل سامنے آیا ۔

تفصیلات کے مطابق پاکستان سپر لیگ کا آغاز 20 فروری کو افتتاحی تقریب کے ساتھ ہوا جس کے بعد کراچی کے نیشنل اسٹڈیم میں کراچی کنگز اور کوئٹہ گلیڈیٹر کے درمیان پہلا میچ ہوا۔

افتتاحی تقریب کے لیے گانے پہلے سے ترکی میں ریکارڈ کیے گئے تھے اور ان کو افتتاحی تقریب کا حصہ بنایا گیا۔

افتتاحی تقریب کے حوالے سے سوشل میڈیا کا ردعمل ملا جلا تھا، کچھ نے اسے پسند کیا اور دیگر نے ناپسند۔

کچھ افراد کا کہنا تھا کہ یہ پی ایس ایل کی افتتاحی تقریب کی بجائے ایک کنسرٹ جیسا تجربہ تھا مگر کچھ افراد نے اس پر خفگی کا اظہار کیا کہ گلوکاروں نے گانے کی بجائے بس لیپ سنک Lip-Sync کی۔

تقریب کافی مختصر تھی اور کچھ گلوکاروں نے مکمل گانوں کی بجائے کچھ حصوں کو ہی پرفارم کیا۔کچھ افراد نے تقریب کے لیے استعمال ہونے والے گرافکس کو ناپسند کیا تاہم لوگوں نے عاطف اسلم کی پرفارمنس کو ضرور پسند کیا۔

درحقیقت کچھ سوشل میڈیا صارفین کا کہنا تھا کہ عاطف اسلم نے مختلف ٹیموں کو سپورٹ کرنے والے مداحوں کو اکٹھا کردیا ہے۔

گلوکار عمران خان اور اداکارہ حمائمہ ملک بھی لوگوں کی توجہ کا مرکز رہے،کچھ لوگوں کو تو عمران خان پر اکشے کمار کا دھوکا بھی ہوا۔آئمہ بیگ، نصیبو لال اور ینگ اسٹنرز کے گلوکاروں نے پی ایس ایل 6 کے ترانے گروو میرا پر پرفارم کیاتاہم ینگ اسٹنرز کے گلوکار وینیو میں موجود نہیں تھے۔

User Rating: Be the first one !

About Daily Pakistan

Check Also

آئی جی سندھ ناکام ہوگئے، انہیں ہٹانے کیلئے وزیراعظم کوخط لکھ دیا، گورنرسندھ

آئی جی سندھ ناکام ہوگئے، انہیں ہٹانے کیلئے وزیراعظم کوخط لکھ دیا، گورنرسندھ کراچی فروری …

Leave a Reply

Your email address will not be published. Required fields are marked *

Skip to toolbar