Home / صفحۂ اول / میں زندہ ہوں، بھارت میں مردہ کھلاڑی بول اٹھا

میں زندہ ہوں، بھارت میں مردہ کھلاڑی بول اٹھا

بھارت میں کرکٹ میچ کے دوران تیز رفتار گیند لگنے سے کھلاڑی بے ہوش ، لوگوں نے مردہ سمجھ لیا

کھلاڑی کے زمین پر گرنے کی ویڈیو بھارت میں وائرل ، انتقال کی خبر پھیل گئی ، ….میں زندد ہوں ،متاثرہ کھلاڑی نے ویڈیو جاری کر دی

نئی دہلی(ڈیلی پاکستان آن لائن) بھارت میں کرکٹ میچ کے دوران تیز رفتار گیند لگنے سے کھلاڑی بے ہوش ہو گیا جسے لوگوں نے مردہ سمجھ لیا۔غیر ملکی میڈیا کے مطابق بھارتی ریاست اترپردیش میں ایک میچ کے دوران باولر نے گیند کرائی جسے بلے باز نے زور دار شارٹ کھیلا اور گیند سیدھا باؤلر کے سرمیں جا لگی جس سے وہ زمین پر گر گیا۔

باؤلر کے زمین پر گرتے ہی کھلاڑی اس کے گرد جمع ہو گئے اور لوگ سمجھے کہ شاید وہ گیند سر پر لگنے سے چل بسا ہے۔ کھلاڑی کو فوری طور پر ہسپتال منتقل کیا گیا۔کھلاڑی کے زمین پر گرنے اور دیگر کھلاڑیوں کے اردگرد جمع ہونے کی ویڈیو بھارت میں وائرل ہو گئی اور اس کے انتقال کر جانے کی خبر پھیل گئی تاہم اس کے کان کا نچلا حصہ تھوڑا سا متاثر ہوا تھا۔

متاثرہ کھلاڑی نے بعد ازاں اپنی ایک ویڈیو جاری کی جس میں انہوں نے کہا کہ وہ سر میں گیند لگنے سے گر گئے تھے۔ گیند لگنے سے انہیں چکر آنے اور سردرد کے علاوہ انہیں کچھ نہیں ہوا۔کھلاڑی کا کہنا تھا میں مرا نہیں ہوں بلکہ زندہ ہوں اور میں سٹی اسکین کروانے کو بھی تیار ہوں۔ ڈاکٹر کا کھلاڑی سے متعلق کہنا تھا کہ یہ خوش قسمت ہے جو بچ گیا۔

User Rating: Be the first one !

About Daily Pakistan

Check Also

مفتاح اسماعیل کی جیت اور ان کے ووٹوں کی برتری کیسے کم ہوئی پورے پاکستان نے دیکھا‘ شہباز شریف

مفتاح اسماعیل کی جیت اور ان کے ووٹوں کی برتری کیسے کم ہوئی پورے پاکستان …

Leave a Reply

Your email address will not be published. Required fields are marked *

Skip to toolbar