Home / پاکستان / سیاست میں اخلاقی گراوٹ، وزیراعظم کے معاون خصوصی کا مریم نواز کے لیےگھٹیا زبان کا استعمال

سیاست میں اخلاقی گراوٹ، وزیراعظم کے معاون خصوصی کا مریم نواز کے لیےگھٹیا زبان کا استعمال

سیاست میں اخلاقی گراوٹ، وزیراعظم کے معاون خصوصی کا مریم نواز کے لیےگھٹیا زبان کا استعمال

اسلام آباد(ڈیلی پاکستان آن لائن) وزیر اعظم عمران خان کے خصوصی ترجمان شہباز گل نے پاکستان مسلم لیگ (نواز) کی نائب صدر مریم نواز کو چڑیل کہہ دیا ۔ شہباز گل نے مریم نواز کی ایک میڈیا ٹاک پر اپنا ردعمل دیتے ہوئے کہا ہے کہ سیاسی چڑیل آج جنات اور جادو ٹونے کے طعنے دے رہی ہے لیکن عدالت کو یہ نہیں بتا رہی کہ پیسہ کن جنوں اور چڑیلوں نے باہر منتقل کیا ۔شہباز گل نے مزید کہا کہ مریم نے آج بھی عدالت میں رسیدیں نہیں دیں ، کیلبری فانٹ اور قطری خط کہ طرح یہ نہیں بتایا کہ رسیدیں کہاں ہیں ۔میڈیا سے گفتگو کرتے ہوئے مریم نواز نے کہا کہ عمران خان وزیراعظم کی کرسی پر قابض ہیں ، عمران خان کی کوئی اخلاقی یا آئینی حیثیت نہیں ۔ یہ جادو ٹونے سے ملک چلانے والی حکومت ہے ۔ جادو ٹونہ اتنا اچھا ہے تو مہنگائی ختم کریں ۔وزیر مملکت زرتاج گل اور پارلیمانی سیکرٹری ملیکہ بخاری کا مریم نواز کی میڈیا ٹاک پر ردعمل ، کہا مریم نواز کو سیاسی تربیت کی ضرورت ہے ۔ مریم نواز عدالت میں اثاثوں کے جواب دینے کے بجائے عورت کارڈ استعمال کرتی ہیں ، عدالت کے باہر سیاسی تھیٹر لگایا جاتا ہے ۔زرتاج گل نے کہا کہ مریم نواز کا کوئی قد کاٹھ نہیں ہے ، گالم گلوچ کی سیاست سے ہمیں کوئی فرق نہیں پڑتا ، مریم نواز منظم طریقے سے نیب پر حملہ آور ہوئیں ۔

User Rating: Be the first one !

About Daily Pakistan

Check Also

نامعلوم افراد کی aاداکارہ مالا کی گاڑی پر فائرنگ، بھائی جاں بحق

فیصل آباد (غیلی پاکستان آن لائن) نامعلوم افراد نے سٹیج اداکارہ اور میک اپ آرٹسٹ …

Skip to toolbar