Home / پاکستان / دہشتگردی کے نتیجہ میں 70 ہزار سے زائد پاکستانیوں کی شہادت ،ملکی معیشت کوہونے والے نقصان کا جائزہ لینے کےلئے قومی ٹروتھ کمیشن بنایا جائے‘ سراج الحق

دہشتگردی کے نتیجہ میں 70 ہزار سے زائد پاکستانیوں کی شہادت ،ملکی معیشت کوہونے والے نقصان کا جائزہ لینے کےلئے قومی ٹروتھ کمیشن بنایا جائے‘ سراج الحق

دہشتگردی کے نتیجہ میں 70 ہزار سے زائد پاکستانیوں کی شہادت ،ملکی معیشت کوہونے والے نقصان کا جائزہ لینے کےلئے قومی ٹروتھ کمیشن بنایا جائے‘ سراج الحق

کمیشن یہ بھی جائزہ لے اسلامی تاریخ میں پہلی بار کسی سفیر کو پکڑ کر دشمن کے حوالے کیوں کیا گیا جس سے ملک کی بدنامی اور قومی وقار کو دھچکا لگا،امیر جماعت اسلامی پاکستان

لاہور(ڈیلی پاکستان آن لائن) امیر جماعت اسلامی سینیٹر سراج الحق نے قومی ٹروتھ کمیشن تشکیل دینے کا مطالبہ کرتے ہوئے کہا ہے کہ مجوزہ کمیشن ملک میں دہشتگردی جس کے نتیجہ میں 70 ہزار سے زائد پاکستانی شہید ہوئے اور ملکی معیشت کو 120ارب ڈالر سے زیادہ کا نقصان پہنچا اس کا جائزہ لے،کمیشن یہ بھی جائزہ لے کہ اسلامی تاریخ میں پہلی بار کسی سفیر کو پکڑ کر دشمن کے حوالے کیوں کیا گیا جس سے ملک کی بدنامی ہوئی اور پوری دنیا میں قومی وقار کو دھچکا لگا، قوم کی بیٹی ڈاکٹر عافیہ صدیقی کو امریکہ کے حوالے کرنے کی وجوہات اور حقائق بھی جائزہ کمیشن کو قوم کے سامنے لانے چاہئیں تاکہ ملکی عزت و آبرو کا سودا کرنے والوں کا تعین کیا جاسکے ۔

سینیٹ میں خطاب کرتے ہوئے انہوں نے کہاکہ اب وقت آگیاہے کہ ہم اپنی سابقہ کوتاہیوں کا جائزہ لیں اور آئندہ پاکستان کو کسی استعماری قوت کی خواہشات کی بھینٹ چڑھنے سے بچایا جاسکے ۔ اس بات کا بھی پتہ چلانا ضروری ہے کہ پاکستان کو آئی ایم ایف اور ورلڈ بنک کے قرضوں کے جال میں پھنسانے اور قوم کو عالمی صہیونی مالیاتی اداروں کی غلامی کی زنجیروں میں جکڑنے والوں کے اصل مقاصد کیاتھے ۔ پاکستان کا قومی سرمایہ کن کاموں میں صرف ہوتا رہا ۔

قومی خزانے کو لوٹنے اور قومی دولت لوٹ کر باہر منتقل کرنے والوں کو کھل کھیلنے کا موقع کس نے دیا ۔ انہوںنے کہاکہ قوم کے سامنے وہ تمام حقائق آنے چاہئیں جن کی وجہ سے آج ملک میں غربت ، جہالت ، مہنگائی اور بے روزگاری نے مستقل ڈیرے ڈال رکھے ہیں اور عام آدمی تعلیم اور صحت کی بنیادی سہولتوں سے محروم ہے ۔

User Rating: Be the first one !

About Daily Pakistan

Check Also

انسداد دہشتگردی عدالت نے موٹروے ریپ کیس کے مرکزی ملزمان کو سزائے موت سنا دی .

لاہور: 20 مارچ( ڈیلی پاکستان آن لائن ) لاہور کی انسداد دہشتگردی عدالت نے موٹر …

Skip to toolbar