Daily Pakistan Online News, Sports, Blogs, Media
Related Articles
تیونس کے صدر نے نجلا بودن کو ملک کی پہلی خاتون وزیراعظم نامزد کر دیا
تونس( ڈیلی پاکستان آن لائن) تیونس کے صدر نے وسیع اختیارات پر قبضہ کرنے کے دو ماہ بعد بدھ کے روز ماہر ارضیات نجلا بودن کو ملک کی پہلی خاتون وزیر اعظم نامزد کر دیا۔صدر قیس نے 63 سالہ نجلاء بودن سے کہا ہے کہ جلد ازجلد نئی حکومت میں شامل وزراء کے ناموں کا اعلان کریں۔نجلاء بودن پیشے کے اعتبار سے استاد ہیں اوروہ انجینیرنگ جیالوجسٹ کے طور پر تونس یونیورسٹی میں پروفیسر ہیں۔صدر جمہوریہ قیس سعید نے اپنے ایک بیان میں کہا ہے کہ نجلا بودن کی بطور وزیراعظم تعیناتی تاریخ ساز ہے اور یہ تیونس کی خواتین کو خراج تحسین ہے۔ انہوں نے مزید کہا ہے کہ نئی بننے والی حکومت کا اہم مشن ملک سے کرپشن اور بدامنی کا خاتمہ ہوگا۔ س وقت نجلاء ورلڈ بینک کے تعاون سے وزارت تعلیم میں میں ہائیر سائنٹیفک ریسرچ کے ایک منصوبے پر کام کر رہی ہیں۔ وہ اسی وزارت میں تحقیق کے معیار کو بہتر بنانے [QEC] کے شعبے کی نگران بھی ہیں۔ان کے سیاسی رجحان کے حوالے سے کوئی بات یقین سے نہیں کی جاسکتی۔
