Breaking News
Home / پاکستان / آپ جیسے لوگ شرمندگی کا باعث بنتے ہیں، حلیمہ سلطان سی سی پی او لاہور پر برس پڑیں

آپ جیسے لوگ شرمندگی کا باعث بنتے ہیں، حلیمہ سلطان سی سی پی او لاہور پر برس پڑیں

آپ جیسے لوگ شرمندگی کا باعث بنتے ہیں، حلیمہ سی سی پی او لاہور پر برس پڑیں

عورت چاہے اکیلی ہو یا بچوں کے ساتھ، وہ ڈرائیو کر سکتی ہے، آپ کو صرف ایک چیز کرنے کی ضرورت ہے کہ خواتین کو تحفظ فراہم کریں، بیان

اسلام آباد (ڈیلی پاکستان آن لائن) ترکش ڈرامے ’ارطغرل غازی‘ میں حلیمہ سلطان کا کردار ادا کرنے والی اداکارہ اسریٰ بیلگیچ سی سی پی او لاہور عمر شیخ پر برس پڑیں۔ترکش اداکارہ اسریٰ بیلگیچ نے 9 ستمبر کو لاہور موٹر وے پر اجتماعی زیادتی کا نشانہ بننے والی خاتون کے حوالے سے سی سی پی او لاہور عمر شیخ کے بیان پر برہمی کا اظہار کیا۔

موٹروے پر خاتون کے ساتھ پیش آنے والے اجتماعی زیادتی کے افسوسناک واقعے پر سی سی پی او لاہور عمر شیخ نے ملزمان کے بجائے متاثرہ خاتون کو حادثے کا ذمہ دار ٹھہراتے ہوئے کہا تھا حیران ہوں کہ 3 بچوں کی ماں ایک اکیلی عورت کو آدھی رات کو موٹروے سے جانے کی کیا ضرورت تھی وہ جی ٹی روڈ سے کیوں نہ گئیں؟۔سی سی پی او لاہور کے بیان کے بعد ملک بھر کے تمام تر لوگوں کی جانب سے انہیں شدید تنقید کا نشانہ بنایا تھا جس کے بعد انہوں نے اپنے بیان پر معافی بھی مانگی تھی۔

اداکارہ اسریٰ بیلگیچ نے بھی سی سی پی او لاہور عمر شیخ کے اس بیان پر برہمی کا اظہار کرتے ہوئے کہا ہے کہ عورت چاہے اکیلی ہو یا بچوں کے ساتھ، وہ ڈرائیو کر سکتی ہے، آپ کو صرف ایک چیز کرنے کی ضرورت ہے کہ خواتین کو تحفظ فراہم کریں۔ترکش اداکارہ نے لکھا کہ بطور پولیس ٓفیسر آپ اس بات سے مطمئن ہیں کہ آپ کی سڑکوں پر مجرم کھلے عام گھوم رہے ہیں اور آپ کو لگتا ہے اگر کوئی خاتون کہیں جانے کے لیے اس سڑک کا انتخاب کرتی ہے تو یہ ان ملزمان کا حق ہے کہ وہ خاتون کے ساتھ زیادتی کریں اور انہیں قتل کر دیں؟۔

اسریٰ بیلگیچ نے کہا کہ آپ اس معاملے میں چونکا دینے والی لاعلمی کا مظاہرہ کر رہے ہیں، آپ کو اپنے خیالات تبدیل کرنے چاہئیں لیکن یہ ناممکن لگتا ہے اور آپ جیسے لوگ شرمندگی کا باعث ہیں۔

User Rating: Be the first one !

About Daily Pakistan

Check Also

19دسمبر کو اسلام آباد میں او آئی سی کے وزرائے خارجہ کا غیر معمولی اجلاس ہوگا، شا ہ محمود قریشی

19دسمبر کو اسلام آباد میں او آئی سی کے وزرائے خارجہ کا غیر معمولی اجلاس …

Skip to toolbar