یمن کے حوثیوں نے اسرائیل پر میزائل داغ دیا

صنعائ(ڈیلی پاکستان آن لائن +این این آئی )یمن کے حوثیوں نے اسرائیل پر میزائل داغ دیا جس کے بعد ہنگامی صورتحال پیدا ہوگئی اور تل ابیب میں سائرن بج اٹھے۔خوف کے باعث راتوں رات دس لاکھ یہودیوں نے شیلٹرز میں پناہ لے لی، بھگدڑ میں آٹھ افراد زخمی ہوگئے۔غیر ملکی میڈیا رپورٹ کے مطابق یمن کے حوثی گروپ نے کہا ہے کہ انہوں نے جمعے کے روز اسرائیل پر نئے حملے کیے ہیں۔ ایسا اسرائیل کی جانب سے یمن کے مرکزی ائیرپورٹ اور ملک کے دیگر مقامات پر بمباری کے بعد ہوا۔اسرائیلی فوج نے ابھی تک اس بارے میں کوئی تبصرہ نہیں کیا ہے کہ آیا وہ جانتے تھے کہ ڈبلیو ایچ او کے سربراہ ٹیڈروس اذانوم گریبیسس اس علاقے میں موجود تھے جب انہوں نے حملے شروع کیے تھے۔