گورنر خیبرپختونخوا ہ کی جامعات چانسلر کی کرسی خطرے میں

گورنرکو جامعات چانسلرکے عہدے سے ہٹانے کا فیصلہ

پشاور( ڈیلی پاکستان آن لائن )خیبرپختونخوا ہ حکومت نے گورنر کو جامعات چانسلرکے عہدے سے ہٹانے کا فیصلہ کر لیا ،مجوزہ ترمیمی بل کے تحت صوبے کی جامعات کے چانسلراب گورنر نہیں بلکہ وزراعلی ہوں گے۔۔صوبائی وزیر قانون نے خیبر پختونخوا ہ جامعات ترمیمی بل 2024 اسمبلی میں پیش کر دیا ہے جس کے مطابق مجوزہ ترمیمی بل کے تحت صوبے کی جامعات کے چانسلرکا عہدہ گورنرسے لے کر وزیر اعلی کو دیا جائے گا۔مجوزہ ترمیمی بل میں جامعات وائس چانسلرکی تقرری کا اختیار بھی وزراعلی کو تفویض کرنے کی تجویز کی گئی ہے ۔وائس چانسلر کی تقررری کی تعیناتی کا دورانیہ چارسالہ مدت ہوگا ،تعیناتی کے2 سال بعد وائس چانسلر کی کارکرگی کا جائزہ لیا جائے گا ۔