کوہ مری میں نان کمرشل ڈرائیونگ لائسنس کے بعد کمرشل ڈرائیونگ لائسنس کا آغاز

اب مری کے شہری اور سیاح باآسانی کمرشل ،نان کمرشل ڈرائیونگ لائسنس بنوا سکیں گے’مرزا فاران بیگ
لاہور ( ڈیلی پاکستان آن لائن) ایڈیشنل آئی جی ٹریفک پنجاب مرزا فاران بیگ کا کوہ مری کی عوام کے لیے ایک اور تحفہ،کوہ مری میں نان کمرشل ڈرائیونگ لائسنس کے بعد کمرشل ڈرائیونگ لائسنس کا آغاز ہو گیا ۔ ایس ایس پی ہیڈ کوارٹرز سید غضنفر علی شاہ نے کمرشل ٹیسٹ کے حوالے سے مراسلہ جاری کر دیا ۔ڈسٹرکٹ کوہ مری میں اس سے قبل صرف کمرشل ڈرائیونگ ٹیسٹ لیا جا رہا تھا۔ تاہم اب ڈسٹرکٹ کوہ مری میں ہر جمعرات کو ایل ٹی وی /پی ایس وی ڈرائیونگ ٹیسٹ لیا جائے گا۔کوہ مری کی عوام نے کمرشل ڈرائیونگ کی سہولت فراہم کرنے پر ایڈیشنل آئی جی ٹریفک سے اظہار تشکر کیا ۔ایڈیشنل آئی جی ٹریفک مرزا فاران بیگ نے کہا کہ اب مری کے شہری اور سیاح باآسانی کمرشل اور نان کمرشل ڈرائیونگ لائسنس بنوا سکیں گے۔ انہوں نے کہا کہ مری میں ٹورزم کے لئے زیادہ تر کمرشل گاڑیوں کا استعمال ہوتا ہے،کمرشل ڈرائیونگ لائسنس کے حصول کے بعد شہریوں کو باآسانی روز گار کے مواقعے میسر ہوں گے۔ شہری بروقت ڈرائیونگ لائسنس بنوائیں اور پر اعتماد طریقے سے ڈرائیونگ کریں۔