چیف جسٹس نے ٹیکسز سے متعلقہ کیسز جلد نمٹانے کیلئے اے ڈی آر سی کمیٹی تشکیل دیدی

لاہور ٹیکس بار کے شہباز صدیق،انیب اختر ،پاکستان ٹیکس بار کے رانا منیر ،زاہد عتیق ،دیگر کمیٹی میں شامل

لاہور( ڈیلی پاکستان آن لائن)چیف جسٹس آف پاکستان جسٹس یحیی آفریدی نے ٹیکسز سے متعلقہ کیسز نمٹانے کے لیے اے ڈی آر سی کمیٹی تشکیل دیدی۔کمیٹی میں لاہور ٹیکس بار ایسوسی ایشن کے صدر شہباز صدیق،جنرل سیکرٹری انیب اختر انصاری،پاکستان ٹیکس بار ایسوسی ایشن کے پیٹرن رانا منیر حسین،سینئر نائب صدر پاکستان ٹیکس بار زاہد عتیق چودھری اور مختلف شہروں کے چیمبر زآف کامرس اینڈ انڈسٹریزکے صدور شامل ہیں۔چیف جسٹس آف پاکستان جسٹس یحیی آفریدی نے ٹیکسز سے متعلقہ 6ہزار سے زائد زیر التواء کیسز کے فوری حل کے لئے آن لائن میٹنگز کرکے کے تجاویز حاصل کیں۔آن لائن ہونے والی میٹنگ میں لاہور ٹیکس بار کے صدر شہباز صدیق،پیٹرن پاکستان ٹیکس بار رانا منیر حسین ،سینئر نائب صدر پاکستان ٹیکس بار زاہد عتیق چودھری اوردیگر شریک ہوئے ۔اس موقع پر ٹیکسز کے زیر التوا ء کیسز اور آئین کے دائرہ کار میں آنیوالے کیسز کو فوری حل کرنے کے لیے تجاویز پر تبادلہ خیال کیا گیا ۔جبکہ بارز کے عہدیداران نے مشکلات اور مسائل کے حل کے لیے اپنی تجاویز پیش کیں۔چیف جسٹس آف پاکستان نے اس سلسلہ آئندہ میٹنگ کے لئے 6جنوری کی تاریخ مقرر کر دی ۔