پولیس اور ڈاکوئوں کے درمیان فائرنگ کا تبادلہ ،خطرناک ڈاکو ہلاک

لاہور ( ڈیلی پاکستان آن لائن) آرگنائزڈکرائم یونٹ کاہنہ اور ڈاکوئوں کے درمیان فائرنگ کا تبادلہ ہوا ،لاہور شہر سمیت پنجاب کے مختلف شہروں میں 60سے زائد وارداتوں میں ملوث انتہائی خطرناک ڈاکو مظفر عرف ظفری اپنے ہی ساتھیوں کی فائرنگ سے ہلاک ہو گیا ۔ڈی ایس پی آرگنائزڈ کرائم یونٹ کاہنہ سید حسین حیدرآرگنائزڈ ہونٹ پولیس ٹیم کے ہمراہ ملزم برریمانڈجسمانی کو ساتھیوں کی گرفتاری اور ریکوری کے لیے شمع کالونی کماہان علاقہ تھانہ نشتر کالونی لے جارہی تھی،جیسے ہی پولیس پارٹی شمع کالونی پہنچی 3کس نامعلوم ملزمان نے اپنے ساتھی کو چھڑوانے کے لیے پولیس پارٹی پر اندھا دھند فائرنگ کر دی۔ ملزم کے ساتھیوں کی فائرنگ سے ڈاکو مظفر عرف ظفری کالی شدید زخمی ہو گیا جس کو ہسپتال منتقل کیا جا رہا تھا جو کہ راستے میں ہی دم توڑ گیا۔ ڈی ایس پی سید حسین حیدر نے بتایا کہ ہلاک ملزم پولیس مقابلہ ،ڈکیتی، رابری،نقب زنی جیسی 60سے زائد خطرناک وارداتوں میں ریکارڈ یافتہ تھا۔ ملزمان کی فائرنگ سے پولیس اہلکار معجزانہ طور پر محفوظ رہے تاہم سرکاری گاڑی کو نقصان پہنچا ۔ڈی ایس پی آرگنائزڈ کرائم یونٹ کاہنہ سید حسین حیدر نے کہا کہ ہلاک ہونے والے ملزم کے دیگر ساتھی اندھیرے کا فائدہ اٹھاتے ہوئے فرار ہوگئے جن کی گرفتاری کے لیے علاقہ میں سرچ آپریشن جاری ہے۔