پنجاب کابینہ کا پی ٹی آئی کے پر تشدد احتجاجی مظاہرے میں شہید اور زخمی ہونے والوں کیلئے خصوصی پیکیج کا اعلان

شہید کانسٹیبل کے لئے مجموعی طورپر2کروڑ 90لاکھ روپے کا پیکیج دیاجائیگا،زخمی پولیس اوررینجرز اہلکاروںکے لئے 10لاکھ روپے کے پیکیج کی منظوری

لاہور ( ڈیلی پاکستان آن لائن)وزیراعلی پنجاب مریم نوازشریف کی زیر صدارت صوبائی کابینہ کا 20واں اجلاس منعقد ہواـپنجاب کابینہ نے پی ٹی آئی کے پر تشدداحتجاجی مظاہرے میں پولیس او ررینجرز پر بے رحمانہ تشدد اورحملوں کی شدید مذمت کی ـپنجاب کابینہ اجلاس میں 24نومبر کوپر تشدداحتجاجی مظاہرے میں شہید سکیورٹی اہلکاروںکے لئے فاتحہ خوانی کی گئیـپنجاب کابینہ نے پی ٹی آئی کے پر تشدد احتجاجی مظاہرے میں شہید اور زخمی ہونے والوں کے لئے خصوصی پیکیج کا اعلان کیاـپنجاب پولیس کے شہید کانسٹیبل کے لئے مجموعی طورپر2کروڑ 90لاکھ روپے کا پیکیج دیاجائے گاـپی ٹی آئی ورکرز کے بے رحمانہ تشدد سے زخمی ہونیوالے پولیس اوررینجرز اہلکاروںکے لئے 10لاکھ روپے کے پیکیج کی منظوری دی گئیـوزیراعلی مریم نوازشریف نے کہاکہ پی ٹی آئی ورکرز کی بربریت اور بے رحمانہ تشدد سے 172پولیس اہلکار زخمی ہوئے ، بیشترکی حالت نازک ہےـسی ایم ایچ راولپنڈی میں زیر علاج زخمی اہلکاروںکی حالت دیکھ کر شرم آتی ہے کہ مارنے والے ہمارے لوگ ہیںـوزیراعلی مریم نوازشریف نے کہاکہ زخمیو ںکو دیکھ کر پی ٹی آئی کے متشدد ورکرزکی بربریت کااندازہ ہواـکیلوں والے ڈنڈوں اور رائفل کے بٹ سے جتھو ںنے سکیورٹی اہلکاروں کو الگ الگ کرکے مارا ـپی ٹی آئی ورکرز کے ہجوم کے بے رحمانہ تشدد سے زیر علاج اہلکاروں کی کھوپڑیاں ، ٹانگیں اور بازو فریکچرہو چکی تھیںـایس پی کو کیلوںوالے ڈنڈو ں سے اس قدر بے رحمی سے مارا گیا کہ اسکی کھوپڑی اور برین ڈیمج ہوگیا اور آنکھ سوج گئیـوزیراعلی مریم نوازشریف نے کہاکہ زندگی میں کبھی ایسی بربریت اورظلم و تشدد کامظاہرہ نہیں دیکھاـپولیس اہلکارکو نزدیک سے گولی ماری جو اس کے جسم کے آر پارہوگئیـپی ٹی آئی ورکرزکے تشدد سے شہید کانسٹیبل کے چھوٹے چھوٹے بچے ہیں.