پنجاب میں دھند کے ڈیرے، موٹر ویز مختلف مقامات سے بند

لاہور( ڈیلی پاکستان آن لائن)پنجاب میں دھند نے شدت اختیار کر لی جس کی وجہ سے موٹرویز مختلف مقامات پر بند رکھی گئی۔ترجمان موٹروے پولیس کے مطابق موٹر وے ایم 2 لاہور سے کوٹ مومن ، لاہور سیالکوٹ موٹر وے ایم 11، موٹر وے ایم 2ٹھوکر نیاز بیگ سے بابو صابو تک دھند کی وجہ سے بند رکھی گئی۔موٹروے ترجمان نے مزید بتایا کہ موٹروے ایم 4عبد الحکیم سے ملتان ، موٹروے ایم 3پر فیض پور سے ننکانہ تک اور ایم 5پرشیر شاہ سے ظاہر پیر تک گاڑیوں کا داخلہ بند رہا ۔ترجمان موٹر وے پولیس کے مطابق موٹرویز کو عوام کی حفاظت اور محفوظ سفر یقینی بنانے کے لئے بند کیا جاتا ہے، ترجمان نے شہریوں سے اپیل کی ہے کہ شہری زیادہ سے زیادہ دن کے اوقات میں سفر کرنے کو ترجیح دیں۔