پنجاب میں اسموگ، سرکاری و نجی گاڑیوں کی جانچ پڑتال کا فیصلہ

تمام وزارتوں ،محکموں کو 30جنوری تک گاڑیوں کا معائنہ کرانے کی ہدایت
لاہور (ڈیلی پاکستان آن لائن) وزیر اعلیٰ پنجاب مریم نواز شریف نے اینٹی اسموگ پلان کے تحت سرکاری اور نجی تمام گاڑیوں کی جانچ پڑتال کرنے کا فیصلہ کیا ہے۔اس حوالے سے جاری کردہ نوٹیفیکیشن میں پنجاب بھر میں تمام گاڑیوں کے لیے فٹنس سرٹیفکیٹ لازمی قرار دے دیا گیا ۔نوٹیفیکیشن میں کہا گیا ہے کہ تمام چھوٹی بڑی گاڑیوں کو فٹنس سرٹیفکیٹ اتھارٹی سے تصدیق نامہ حاصل کرنا ہو گا۔نوٹیفیکیشن کے مطابق تمام وزارتوں اور ان کے ذیلی محکموں کے زیر استعمال تمام گاڑیوں کے فٹنس سرٹیفکیٹ حاصل کیے جائیں گے۔نوٹیفیکیشن میں بتایا گیا ہے کہ پنجاب حکومت نے گاڑیوں کا معائنہ کروانے کے لیے 30جنوری تک کی ڈیڈ لائن مقرر کر دی ہے اور تمام وزارتوں و محکموں کو اس تاریخ تک گاڑیوں کا معائنہ کروانے کی ہدایت کی ہے۔