پاک فوج کے شہدا اور غازی ہمارے قومی ہیرو ہیں’رانا مبشر اقبال

قوم کی آزادی ،سلامتی ان بہادر جنگجووں کی قربانیوں کی مرہون منت ہے’رکن قومی اسمبلی
لاہور ( ڈیلی پاکستان آن لائن) پاکستان مسلم لیگ (ن) کے رکن قومی اسمبلی رانا مبشر اقبال نے کہا ہے کہ مادر وطن کے دفاع کے لئے جان کا نذرانہ پیش کرنے سے بڑھ کر کوئی قربانی نہیں، ہمارے شہدا کے جذبے، قربانیاں اور لڑنے کا عزم ہمارے ارادوں کو مزید مضبوط کرتا ہے۔انہوں نے شہدا کے خاندانوں کے بلند حوصلوں اور ان کی دی گئی قربانیوں کوسلام پیش کرتے ہوئے کہا کہ شہدا اور غازی ہمارے قومی ہیرو ہیں اور قوم کی آزادی اور سلامتی ان بہادر جنگجووں کی قربانیوں کی مرہون منت ہے۔ انہوں نے کہا کہ ہمارے شہدا درحقیقت قوم کے لئے امید اور استقامت کی کرن ہیں۔رانا مبشر اقبال نے کہا کہ شہید کیپٹن زوہیب نے انتہائی بہادری سے دہشت گردوں کا مقابلہ کیا ، شہید کیپٹن پر پوری قوم کو فخر ہے ، ہم شہید کیپٹن کو سلام پیش کرتے ہیں۔