ٹریفک وارڈنز کی حاضر دماغی،مصوم بچے کے اغواء کی کوشش ناکام

لاہور (ڈیلی پاکستان آن لائن) صوبائی دارالحکومت لاہور میں مال روڈ پر ٹریفک انسپکٹر و ساتھی اہلکاروں کی حاضر دماغی نے بچے کے اغواء کی کوشش ناکام بنا دی ۔ ترجمان ٹریفک پولیس کت مطابق نامعلوم موٹرسائیکل سوار 13سالہ بچے کو زبردستی لے جا رہے تھے ،مشکوک جانتے ہوئے پٹرولنگ آفیسر نے موٹرسائیکل کو رکنے کا اشارہ کیا تو نامعلوم موٹرسائیکل سوار بچے کو چھوڑ کر فرار ہوگئے۔ مغوی بچے نے بتایا کہ لدھڑ گائوں سے مجھے نشہ آور اشیا کھلا کر زبردستی لیجارہے تھے۔ بچے کو اس کے گھر والوں کے حوالے کردیا گیا،اہل خانہ نے ٹریفک افسران سے اظہارِ تشکر کیا ہے ۔ سی ٹی او لاہور عمارہ اطہر نے سینئر وارڈن ناصر،فرقان،شاہد اور حامد عالم کو شاباش دیتے ہوئے کہا کہ وارڈنز ٹریفک روانی کے ساتھ ساتھ مشکوک افراد پر بھی کڑی نظر رکھے ہوئے ہیں۔