وزیر صنعت و تجارت شافع حسین 8روزہ دورے پر چین پہنچ گئے

لاہور( ڈیلی پاکستان آن لائن)صوبائی وزیر صنعت و تجارت چوہدری شافع حسین 8روزہ دورے پر چین پہنچ گئے۔وہ وزیر اعلیٰ پنجاب کے ساتھ سرمایہ کاری کانفرنس میں شرکت کریں گے اورچین کی بڑی سرمایہ کار کمپنیوں سے ملاقاتیں کریں گے۔صوبائی وزیر چین کی ٹیکسٹائل، سولر مینوفیکچرنگ،الیکٹرک وہیکلز اور لیتھیئم بیٹریاں بنانے والی کمپنیوں کے حکام سے ملیں گے۔وہ چین کی سیلولر کمپنیوں کے حکام سے بھی ملیں گے۔صوبائی وزیر مختلف کارخانوں کادورہ کریں گے اور پیداواری عمل کا جائزہ لیں گے۔صوبائی وزیر چوہدری شافع حسین چین کی سرمایہ کار کمپنیوں کو پنجاب میں سرمایہ کاری کے مواقع سے آگاہ کریں گے۔