وزیراعلی مریم نواز شریف نے کسانوں کیلئے نئے پراجیکٹس کے ریکارڈقائم کردئیے

ماضی میں کاشتکار کیلئے صرف نعرے لگائے گئے،کام ہمیشہ (ن) کی حکومت کرتی ہے’مریم نوازشریف
لاہور (ڈیلی پاکستان آن لائن)2024 کا سنہرا اختتام،مریم نواز شریف کاپنجاب، سرسبزوشاداب،پنجاب کا کاشتکار، خوش اور خوشحال، وزیراعلی پنجاب مریم نواز شریف نے کسانوں کے لئے نئے پراجیکٹ کا ریکارڈقائم کردیا۔اپنی نوعیت کا سب سے بڑا کسان کارڈ، گرین ٹریکٹرز پروگرام، سپر سیڈرز کی فراہمی، پاکستان کی تاریخ کا سب سے بڑا زرعی گریجوایٹس انٹرن شپ پروگرام شروع ہوچکا ہے۔کسان کارڈ سے 30ارب روپے سے زائد کے زرعی مداخل کی خریداری کی گئی ہے۔پنجاب میں پہلی مرتبہ ڈی اے پی سمیت دیگر کھادوں کی مقررہ نرخ پر وافر دستیابی ہے۔ پنجاب میں گندم کی کاشت کے کل ہدف کا 99 فیصد حاصل کر لیا گیا۔ گرین ٹریکٹرز پروگرام کے تحت 5ہزار ٹریکٹر آ گئے، جن میں سے 2500 ٹریکٹرز کاشتکاروں کو مل گئے۔ وزیر اعلی پنجاب گرین ٹریکٹرز پروگرام کے تحت 10 لاکھ روپے فی ٹریکٹر سبسڈی دی جارہی ہے۔ پنجاب بھر میں ایگریکلچر گریجوایٹس فیلڈ میں کسانوں کی رہنمائی میں مصروف عمل ہیں۔ینگ ایگریکلچر گریجویٹ کوماہانہ 60ہزار روپے سکالرشپ بھی ملے گا ۔ ہر ضلع میں ماڈل ایگریکلچر مال بنانے کی منظوری دی گئی ۔ملتان، بہاولپور، سرگودھا اور ساہیوال میں ماڈل ایگریکلچر مال تکمیل کے قریب ہیں۔ماڈل ایگریکلچر مالز پر کاشتکاروں کی ٹریننگ،بینکنگ،جدید زرعی مشینری، پیسٹی سائیڈز، سیڈ، کھادیں دستیاب ہوں گی۔ جعلی وملاوٹ شدہ زرعی مداخل کیخلاف زیرو ٹالرنس پالیسی کے تحت کریک ڈائون جاری ہے۔ ایگریکلچر پیسٹی سائیڈ ایکٹ اور فرٹیلائزر کنٹرول ایکٹ میں ترامیم منظوری کیلئے مسودہ تیار ہے۔9 ارب روپے سے بجلی سے چلنے والے 8 ہزار زرعی ٹیوب ویل کو شمسی توانائی پر منتقل کرنے کا پروگرام ہے۔ ڈیڑھ ارب روپے سے کنو کے باغات کی بحالی کا منصوبہ شروع ہوگا۔کاشتکارو ں کو آسان قرضوں کے اجرا کے لئے پنجاب کسان بینک قائم کرنے کا اصولی فیصلہ کیا گیا۔2 ارب40کروڑ روپے کی لاگت سے کینولہ،تل اور سویا بین کی کاشت کے فروغ کا منصوبہ ہے۔ ایگریکلچر میکانائزیشن پالیسی کے تحت چین کے تعاون سے پنجاب میں زرعی آلات کی اسمبلنگ اور مینوفیکچرنگ کا اصولی فیصلہ کیا گیا۔ پنجاب بھر میں ایگریکلچر مشینری کی رینٹل سروس شروع کرنے کی اصولی منظوری دی گئی ہے ۔وزیراعلیٰ مریم نوازشریف نے کہاکہ ماضی میں کاشتکار کیلئے صرف نعرے لگائے گئے،کام ہمیشہ مسلم لیگ (ن) کی حکومت کرتی ہے۔ پنجاب میں کاشتکاری کا رحجان بڑھ رہاہے۔ وزیراعلی مریم نوازشریف نے کہاکہ ہم نے ثابت کیا حکومت پنجاب کاشتکار بھائیوں کے ساتھ ہے، تنہا نہیں چھوڑیں گے۔ کاشتکار کی خوشحالی اور زرعی پیداوار میں اضافہ اولین اہداف میں شامل ہے۔