وزیراعلی مریم نوازشریف اعلیٰ سطحی وفد کے ہمراہ سرکاری دورے پر چین روانہ

مریم نواز شریف چین کا دورہ کرنے والی پہلی پاکستانی خاتون وزیر اعلی ہیں

لاہور( ڈیلی پاکستان آن لائن)وزیراعلی پنجاب مریم نوازشریف 8روزہ سرکاری دورے پر چین روانہ ہو گئیں۔ وزیراعلی پنجاب مریم نواز شریف چین کا دورہ کرنے والی پہلی پاکستانی خاتون وزیر اعلی ہیں ۔ وزیر اعلی مریم نواز شریف 8 سے 15 دسمبر تک چین کا دورہ کریں گی ۔ سینئر صوبائی وزیر مریم اورنگزیب ،وزیر اطلاعات وثقافت عظمی زاہد بخاری، وزیر ٹرانسپورٹ بلال اکبر،وزیر زراعت عاشق کرمانی سمیت اعلی سطح وفد بھی ان کے ہمراہ دورے پر وانہ ہوا ۔وزیراعلی مریم نوازشریف بیجنگ، شنگھائی، شن ژین اور گوانگ ژو کے دورے کریں گی ۔وزیر اعلی پنجاب مریم نواز شریف چین کے وزرا ء ، اعلی حکام اور ماہرین سے بھی ملاقاتیں کریں گی۔مریم نواز شریف چین میں مختلف ملاقاتیں ،تقاریب اور کانفرنس میں بھی شرکت کریں گی۔وزیراعلی مریم نواز شریف کو چین کی حکمران جماعت کمونسٹ پارٹی آف چائنا کی طرف سے دورہ چین کی دعوت دی گئی تھی۔