نشان حیدر محمد حسین شہید کا53واں یوم شہادت 10دسمبر کو منایا جائے گا

نارووال( ڈیلی پاکستان آن لائن)نشان حیدر کا اعزاز پانے والے پاک فوج کے جوان سوار محمد حسین شہید کا53واں یوم شہادت 10دسمبر کو منایا جائے گا، شکر گڑھ سیکٹرمیں ہرڑ خورد کے مقام پرقوم کے اس بہادر سپوت نے1971 کی جنگ میں وطن کی حفاظت کا فریضہ سر انجام دیا اور دشمن کو بھاری نقصان پہنچاتے ہوئیجام شہادت نوش کیا ، سوار محمد حسین 18 جون 1949 کو ڈھوک پیر بخش نزد ماتلی ضلع راولپنڈی میں پیدا ہوئے تھے اور 3 ستمبر 1966 کو پاکستان کی مسلح افواج میں شمولیت اختیار کی اور ڈرائیور کے طور پر خدمات انجام دینے لگے۔ دسمبر 1971 میں وہ ظفر وال اور شکر گڑھ کے محاذ جنگ پر گولہ بارود کی ترسیل کرتے رہے اور کٹھن اور پرخطر مہمات میں پاک فوج کیدستوں کے ساتھ ساتھ رہے۔ 10 دسمبر 1971 کو انہوں نے ہر خطرے کا آگے بڑھ کر مقابلہ کیا اور شکرگڑھ سیکٹر میں موضع ہرڑخورد محاذ پر اپنی جان کی پرواہ کئے بغیر ساتھیوں سے ملکر دشمن کا بھرپور دلیری سیمقابلہ کیا جس کے نتیجے میں دشمن کے 16 ٹینک تباہ ہوئے اور سوار محمد حسین شہادت کے عظیم مرتبے پر فائز ہوگئے۔سوار محمد حسین شہید کی جائے شہادت پرایک یاد گار تعمیر کی گئی ہے آپ کی اعلی خدمات کے اعتراف میں حکومت نےآپ کو پاکستان کا سب سے بڑا فوجی اعزاز نشان حیدر عطا کیا۔