نجی شعبے کوقرضوں کی فراہمی میں نمایاں اضافے سے معیشت کو تحرک ملے گا’ خادم حسین

پالیسی ریٹ میں کمی سب سے اہم عنصر ہے ،معیشت کو گروتھ ملے گا’ ڈائریکٹر پاکستان سٹون ڈویلپمنٹ کمپنی
لاہور( ڈیلی پاکستان آن لائن)ڈائریکٹر پاکستان سٹون ڈویلپمنٹ کمپنی ،سینئر نائب صدر فیروز پور بورڈ اور سابقہ ایگزیکٹو ممبر لاہور چیمبر آف کامرس خادم حسین نے نجی شعبے کو دئیے جانے والے قرضوںمیں اضافے پر اطمینان کا اظہار کرتے ہوئے کہا ہے کہ 815فیصد کا نمایاں اضافے سے یقینی طور پر معیشت کو تحرک ملے گا،نجی شعبے کے قرض میں نمایاں اضافے کے پیچھے پالیسی ریٹ میں کمی سب سے اہم عنصر ہے ۔ اپنے بیان میں انہوںنے کہا کہ بینکوں کو چاہیے کہ مختلف طرز کے قرضوںمیں کاروباروںکے لئے جاری کئے جانے والے قرضوں کو ترجیح دی جائے جس سے نہ صرف ہماری معیشت ترقی کرے گی بلکہ روز گار کے مواقع بھی پید اہوں گے۔ پالیسی ریٹ میں کمی کے بعد یقینی طور پر نجی شعبہ بھی بینکوں میں رکھا گیا سرمایہ کاروبار وں میں لگا ئے گا جس سے ہماری معیشت گر وتھ کرے گی ۔ خادم حسین نے مزید کہا کہ ایس ایم ایز کے لئے قرضوں کا اجراء بلا سود اور سہل ہونا چاہیے کیونکہ اس مد میں جانے والے قرضے چھوٹی انڈسٹری کی ترقی کا ذریعہ بنیں گے ۔حکومت کو ایسی پالیسی بھی لانی چاہیے جس میں طلبہ بھی چھوٹے کاروبار کی جانب راغب ہوں تاکہ پبلک سیکٹر پرروزگار فراہمی کا بوجھ کم ہو سکے ۔