نائب وزیر اعظم اسحاق ڈار اہم ہمسایہ ملک کے دورے پر روانہ

اسلام آباد( ڈیلی پاکستان آن لائن )نائب وزیراعظم و وزیر خارجہ اسحاق ڈار دو روزہ سرکاری دورے پر ایران روانہ ہوگئے۔اسحاق ڈار اقتصادی تعاون تنظیم کے وزرا ء کونسل کے 28 ویں اجلاس میں شرکت کریں گے۔وزیر خارجہ اسحاق ڈار چارٹر فار ای سی او کلین انرجی سنٹر پر دستخط کریں گے، اجلاس کے موقع پر لیڈران سے دو طرفہ ملاقاتیں بھی کریں گے۔2017 میں پاکستان میں ای سی او مشن طے پایا تھا جس کا مقصد اقتصادی تعاون کو فروغ دینا ہے۔