نئے بلدیاتی بل کا مسودہ منظوری کیلئے وزیر اعلی کو بھجوا دیا گیا

کابینہ سے منظوری کے بعدپنجاب اسمبلی میں پیش کیا جائے گا

لاہور( ڈیلی پاکستان آن لائن)پنجاب میں نئے بلدیاتی بل کا مسودہ منظوری کے لئے وزیر اعلی مریم نواز شریف کو بھجوا دیا گیا۔پنجاب میں بلدیاتی انتخابات کے انعقاد کے لئے نئے بلدیاتی بل کا مسودہ تیار کرلیا گیا ہے جسے منظوری کے لئے وزیراعلی پنجاب مریم نواز شریف کو بھجوا دیا گیا ہے ،حتمی منظوری پنجاب کابینہ دے گی جس کے بعد اسے منظوری کے لئے پنجاب اسمبلی میں پیش کیا جائے گا ۔نئے نظام کے تحت بلدیاتی انتخابات جماعتی بنیادوں اور یونین کونسل کی بنیاد پر ہوں گے۔نئے مسودے میں سابق وزیر اعلی حمزہ شہباز کے دور کی تمام اصلاحات شامل ہیں جس کے تحت میونسپل کارپوریشن قائم کی جائیں گی اور میونسپل کارپوریشن کا سربراہ چیئرمین ہوگا۔ذرائع نے مزید بتایا کہ مخصوص نشستوں پر انتخاب اعلانیہ رائے شماری سے ہو گا۔