موٹرویز کی بندش ۔۔۔پیٹرولیم مصنوعات کی قلت کے خدشات

لاہور( ڈیلی پاکستان آن لائن) پاکستان تحریک انصاف کے احتجاج کے باعث موٹرویز بندش کی وجہ سے پیٹرولیم مصنوعات کی سپلائی میں تعطل آ گیا ہے ۔ پاکستان پیٹرولیم ڈیلرز ایسوسی ایشن لاہور کے سیکرٹری اطلاعات جہانزیب ملک کے مطابق چا ر روز سے موٹر ویز کی بندش کی وجہ سے پیٹرولیم مصنوعات کی سپلائی ممکن نہیں ہوسکی جس کی وجہ سے لاہور سمیت دیگر کئی مقامات پر پیٹرولیم کی قلت پیدا ہونے کے خدشات پیدا ہو گئے ہیں ۔ انہوں نے مزید کہا کہ اگر پٹرول پمپ مالکان کو مزید ایک دن تک سپلائی نہ ملی تو بڑے شہروں میں ایندھن کی شدید قلت ہو جائے گی۔