مناسب شواہد نہ ملے،فائز عیسی پر لندن مبینہ حملے کا کیس بند

لندن( ڈیلی پاکستان آن لائن)لندن پولیس نے مناسب شواہد دستیاب نہ ہونے پر سابق چیف جسٹس قاضی فائز عیسی پر مبینہ حملے کا کیس بند کر دیا۔سٹی آف لندن پولیس نے پاکستانی ہائی کمیشن کی شکایت پر مزید کارروائی نہ کرنے کا فیصلہ کیا ہے۔ پولیس کسی کے زخمی نہ ہونے کے سبب کسی شخص پر فرد جرم عائد نہیں کرسکی۔پاکستان ہائی کمیشن نے واقعہ کے حوالے سے تمام دستیاب شواہد پولیس کو فراہم کئے تھے۔دفتر خارجہ نے ہائی کمیشن کو ویڈیو کا جائزہ لے کر ملوث افراد کے خلاف کارروائی کی ہدایت کی تھی۔پاکستان نے حملے میں ملوث 23 افراد کے پاسپورٹ منسوخ اور نام پاسپورٹ کنٹرول لسٹ میں ڈالے تھے۔