ممنوعہ علاقے میں سگریٹ نوشی ملائیشین وزیرخارجہ کو مہنگی پڑ گئی

کوالالمپور(ڈیلی پاکستان آن لائن )ملائیشیا کے وزیرخارجہ محمد حسن کو ممنوعہ علاقے میں سگریٹ نوشی کا شوق مہنگا پڑ گیا۔غیرملکی خبررساں ادارے کے مطابق ملائیشیا کے وزیرصحت ذوالکفل احمد نے سماجی رابطے کی ویب سائٹ ایکس پر بیان میں کہا کہ سڑک کنارے ریسٹورنٹ میں بیٹھے وزیرخارجہ محمد حسن کی سگریٹ پیتے ہوئے تصویر سوشل میڈیا پر وائرل ہوئی۔وزیر صحت نے کہا کہ اس علاقے میں سگریٹ نوشی ممنوع ہے، وزیرخارجہ پر ممنوعہ علاقے میں سگریٹ نوشی پرجرمانہ عائد کیا جائے گا، وزیرخارجہ کے دفتر کو اس بارے میں آگاہ کردیا گیا ہے۔وزیرخارجہ نے جرم کرنے کی پاداش میں خود جرمانہ عائد کرنے کی خواہش کا اظہار کیا، ملائیشیا میں ریسٹورنٹس ایریا اور کھانے پینے کے تمام مقامات پر 2019 سے سگریٹ نوشی کو غیر قانونی قراردیا گیا ہے۔قانون کے تحت تمباکو نوشی کے لیے ممنوعہ علاقوں میں سگریٹ پیتے ہوئے پکڑے جانے والے شخص کو 5000 رنگٹ 1120 ڈالر تک کا جرمانہ کیا جا سکتا ہے۔