ملک دشمن پراپیگنڈے میں ملوث افراد کے خلاف سخت کریک ڈائون کا فیصلہ

سکیورٹی اداروں، ایف آئی اے سائبر کرائم کی مشترکہ ٹیمیں تشکیل دی جائیں گی

اسلام آباد/لاہور( ڈیلی پاکستان آن لائن) حکومت نے ریاست اور سکیورٹی اداروں کے خلاف منفی پراپیگنڈا کرنے والوں کو گرفت میں لانے کے لئے سخت کریک ڈائون شروع کرنے کا فیصلہ کیا ہے ۔ذرائع کے مطابق اس سلسلہ میں سکیورٹی اداروں اور ایف آئی اے سائبر کرائم کی مشترکہ ٹیمیں تشکیل دی جائیں گی، وفاق اور صوبائی سطح پر ٹیموں کو گرفتاری و تفتیش کے اختیارات حاصل ہوں گے۔ٹیموں کو پی ٹی اے اور متعلقہ اداروں کی مکمل معاونت بھی حاصل ہوگی، سائبر کرائم سے متعلق ٹیمیں وفاقی حکومت کے ماتحت کام کریں گی، ٹیموں میں سائبر سکیورٹی ماہرین بھی شامل ہوں گے۔ٹیمیں ملک کے کسی بھی علاقے میں ریڈ اور گرفتاری کرسکیں گی۔