ملک بھر میں سوشل میڈیا سروسز سست روی کا شکار

اسلام آباد/لاہور/کراچی/پشاور( ڈیلی پاکستان آن لائن)ملک بھر میں سوشل میڈیا سروسز ایک بار پھر سست روی کا شکار رہیں جس کے باعث صارفین کو پریشانی کا سامنا کرنا پڑ ا، آن لائن کاروبار ،ڈیجیٹل مارکیٹنگ اور بیرون ممالک آئی ٹی کی سروسز دینے والوں کو شدید مشکلات کا سامنا رہا ۔ تفصیلات کے مطابق ملک بھر میں سوشل میڈیا پلیٹ فارمز بشمول واٹس ایپ، فیس بک، انسٹاگرام اور ٹک ٹاک کی سروسز معطل یا سست روی کا شکار رہیں جس کیو جہ سے صارفین کو شدید مشکلات کا سامنا کرنا پڑ ا۔ہفتہ کی رات سے ہی تمام سوشل میڈیا پلیٹ فارمز تعطل کا شکار ہیں جس سے پی ٹی سی ایل انٹرنیٹ اور گوگل سروسز کو اپنے معمول کے آپریشنز انجام دینے میں دشواری کا سامنا کرنا پڑ رہا ہے۔صارفین کو صارفین کو تصاویر، وائس نوٹ اور ویڈیوز اپ لوڈنگ اور ڈائون لوڈنگ میں مشکلات کا سامنا رہا، صارفین وی پی اینز کے ذریعے سوشل میڈیا ایپلی کیشنز استعمال کرنے پر مجبور ہیں۔بتایا گیاہے کہ متعدد شہروں میں وی پی این کے ذریعے بھی صارفین کو سوشل میڈیا سروس تک رسائی مشکلات کا سامنا ہے۔ دوسری جانب آن لائن کاروبار کرنے والوں خصوصاًبیرون ممالک آئی ٹی کی سروسز دینے والوں کو شدید مشکلات کا سامنا کرنا پڑا ۔