مسلم لیگ (ن) کا دفتر جلانے کا کیس،یاسمین راشد،محمود الرشید سمیت دیگر پر فرد جرم عائد

سینیٹر اعجاز چوہدری ، یاسمین راشد اور محمود الرشید قیدی نمبر 804والی چادر پہن کر عدالت پیش ہوئے
لاہور ( ڈیلی پاکستان آن لائن) انسداد دہشت گردی عدالت لاہور نے 9مئی 2023ء کو لاہور میں مسلم لیگ (ن) کا دفتر جلانے کے مقدمے میں پاکستان تحریک انصاف کے سینئر رہنمائوں ڈاکٹر یاسمین راشد، سینیٹر اعجاز چوہدری سمیت دیگر ملزمان پر فرد جرم عائد کردی۔پولیس نے ملزمان پی ٹی آئی رہنما ڈاکٹر یاسمین راشد، محمود الرشید اور اعجاز چوہدری کو عدالت میں پیش کیا، تینوں ملزمان قیدی نمبر 804والی چادر پہن کر انسداد دہشتگری عدالت میں پیش ہوئے۔عدالت میں سوشل میڈیا ایکٹیویسٹ صنم جاوید نے پیش ہو کر حاضری مکمل کروائی۔دوران سماعت ملزمان نے صحت جرم سے انکار کیا، عدالت نے اگلی تاریخ پر پراسیکیوشن سے گواہان کو طلب کر لیا۔عدالت نے کیس کی سماعت 23 جنوری تک ملتوی کردی۔