محکمہ داخلہ نے کچے کے 40خطرناک ڈاکوئوں کے نام، تصاویر اور سر کی قیمت جاری کر دی

جاری کردہ فہرست میں کچے کے ڈاکوئوں کے سر کی قیمت 50لاکھ اور 25لاکھ روپے مقرر کی گئی
لاہور( این این آئی)محکمہ داخلہ پنجاب نے کچے کے 40خطرناک ڈاکوں کے نام، تصاویر اور سر کی قیمت جاری کر دی ۔ جاری کی گئی فہرست میں کچے کے ڈاکوئوں کے سر کی قیمت 50لاکھ اور 25لاکھ روپے مقرر کی گئی، 20ڈاکوئوں کے سر کی قیمت 50لاکھ اور 20کی ہیڈ منی 25لاکھ روپے مقرر کی گئی ہے۔ ترجمان محکمہ داخلہ پنجاب کے مطابق 50لاکھ کی ہیڈ منی والے مطلوب ڈاکوئوں میں حبیب ولد علی بخش، قربان ولد لنگ، فرحت ولد برکت، عیسی ولد مراد، متارا ولد میوہ، ایوب عرف صداری ولد مراد، شیرا ولد وریام، عالمگیر ولد حاجی میر، غلام قادر عرف گمن ولد امداد، موج علی ولد اللہ دتہ، فیاض ولد تگیا، ہزارہ ولد میوہ، چھالو بکھرانی، وزیر الیاس بڑا، شاہو منڈا، ابراہیم ولد قطب، شاہد ولد خان محمد، منیر الیاس ولد اکبر، جمیل ولد قادر بخش اور عاشق ولد اصغر شامل ہیں۔ اسی طرح 25 لاکھ کی ہیڈ منی والے مطلوب ڈاکوئوں میں یعقوب ولد کٹی، شاہنواز ولد میر محمد، بشو ولد جنگال، چھوٹو ولد منظور، عبدالستار ولد جمعہ، ملوک ولد ماہی وال، دوست محمد ولد عطا اللہ، بہادر ولد عطا اللہ، ظفر عرف ظفری ولد اللہ یار، شبیر ولد دوست محمد، نواب ولد میر دوست، صابر دین ولد علی بخش، ستار ولد منظور، عبدالغنی ولد علی بخش، شاہ مراد ولد دادو، فوج علی ولد چھترو، نذیر ولد دوسو، یسین ولد اللہ دتہ، وقار ولد عبدالرحمن اور حمزہ اندھڑ ولد منیر احمد شامل ہیں۔ یاد رہے کہ محکمہ داخلہ اس سے قبل کچے کے 20 خطرناک ڈاکوئوں کے سر کی قیمت 1 کروڑ روپے مقرر کر چکا ہے۔ محکمہ داخلہ پنجاب نے ڈاکوئوں کے بارے خفیہ اطلاع دینے کیلئے واٹس ایپ نمبر 03334002653 جاری کیا ہے اور یہ یقین دہانی کروائی گئی ہے کہ اطلاع دہندہ کا نام ہر صورت صیغہ راز میں رکھا جائے گا۔