مئی توڑ پھوڑ کے مقدمہ میں پی ٹی آئی کے 8روپوش رہنما اشتہاری قرار

اسلم اقبال ، حماد اظہر، مراد سعید، زبیر خان نیازی، حامد رضا گیلانی، محمد جاوید، عبد الصمد اور واثق قیوم کے دائمی وارنٹ بھی جاری
لاہور ( ڈیلی پاکستان آن لائن) انسداد دہشت گردی عدالت لاہور نے 9مئی کو کلمہ چوک پر کنٹینر جلانے کے مقدمے میں پاکستان تحریک انصاف کے 8روپوش رہنمائوں کو اشتہاری قرار دے دیا۔انسداد دہشت گردی عدالت لاہور کے جج ارشد جاوید نے پی ٹی آئی رہنما میاں اسلم اقبال ، حماد اظہر، مراد سعید، زبیر خان نیازی، حامد رضا گیلانی، محمد جاوید، عبد الصمد اور واثق قیوم کو اشتہاری قرار دیا۔عدالت نے تھانہ نصیر آباد کے مقدمہ میں پولیس کی درخواست پر کارروائی کرتے ہوئے پی ٹی آئی رہنمائوں کے دائمی وارنٹ گرفتاری بھی جاری کر دیئے ۔پولیس کے مطابق ملزمان گرفتاری کے ڈر سے روپوش ہوچکے ہیں، ان کے وارنٹ گرفتاری بھی جاری ہوئے مگر گرفتار نہیں ہوسکے۔