لاہور پھر آلودہ ترین شہروں میں سرفہرست، ایئرکوالٹی انڈیکس 1137ریکارڈ

آئندہ 24گھنٹوں کے دوران موسم خشک رہے گا ،بارش کے امکانات نہیں’ محکمہ موسمیات
لاہور (ڈیلی پاکستان آن لائن) پاکستان کے آلودہ ترین شہروں میں لاہور پھر پہلے نمبر پر آگیا جہاں ایئر کوالٹی انڈیکس 620سے لے کر 1137تک ریکارڈ کیا گیا۔شہر میں اوسطا ایئر کوالٹی انڈیکس 621ریکارڈ کیا گیا جبکہ پاکستان انجینئرنگ سروسز روڈ پر ایئر کوالٹی انڈیکس 1137، سید مراتب علی روڈ پر 979اور غازی روڈ انٹرچینج پر 882ایئر کوالٹی انڈکس ریکارڈ کیا گیا۔ماہرین کے مطابق ایئر کوالٹی انڈیکس انسانی صحت کے لیے انتہائی مضر ہے اور آلودگی کے باعث لوگ نزلہ، زکام، کھانسی، بخار جیسی بیماریوں میں مبتلا ہو رہے ہیں۔ماہرین کا کہنا ہے کہ اختیاطی تدابیر سے ہی ان بیماریوں سے بچا جا سکتا ہے، گھروں کی کھڑکیاں دروازے بند رکھیں اور باہر نکلنا ہو تو ماسک کا استعمال لازمی کریں۔محکمہ موسیات کے مطابق آئندہ 24گھنٹوں میں لاہور میں موسم خشک رہے گا جبکہ بارش کے امکانات نہیں، لاہور میں کم سے کم درجہ حرارت 10ڈگری سینٹی گریڈ ریکارڈ کیا گیا جبکہ زیادہ سے زیادہ 24 ڈگری تک جانے کے امکانات ہیں۔