لاہور،کراچی کے بازاروں میں برقعہ پہن کر جانے پر بھی لوگ پہچان لیتے ہیں:مائرہ خان

کراچی (ڈیلی پاکستان آن لائن )نامور اداکارہ مائرہ خان نے انکشاف کیا ہے کہ لاہور اور کراچی کے بازاروں میں برقعہ پہن کر جانے پر بھی لوگ پہچان لیتے ہیں۔17ویں عالمی اردو کانفرنس میں گفتگو کرتے ہوئے اداکارہ نے شاپنگ کرنے کے حوالے سے دلچسپ کہانی سنائی۔اداکارہ مائرہ خان نے کہا میں اپنی منیجر سے کہہ رہی تھی کہ تم لوگ مجھے لائٹ ہائوس وغیرہ لے کر نہیں جاتے، میں نے سنا ہے اس قسم کے بازاروں سے بہت اچھی چیزیں ملتی ہیں، میں کہتی ہوں برقعہ پہنا کر مجھے وہاں لے چلو لیکن مسئلہ یہ ہے کہ ایک دو بار میں لاہور اور کراچی کے بازاروں میں برقعہ پہن کر گئی لیکن لوگ مجھے آواز سے پہچان لیتے ہیں اور ایسا ہو نہیں سکتا کہ میں خاموش رہوں ورنہ مزہ نہیں آئے گا۔